Foydalaniş şartlari

1.Umumiy qoidalar

Uşbu şartlar Brandy ilovasi (iOS va Android), app.brandy.uz sayti, @brandy_uz_bot boti, uning Mini Appʼi va @brandyuz_official kanalidan (birgalikda «Brandy») foydalaniş qoidalarini belgilaydi. Brandyʼni «DREAMLOGIC TECH» MÇJ (STIR: 311960493; «biz») taqdim etadi.

Brandyʼga kirib yoki undan foydalanib, siz uşbu şartlarni va Maxfiylik siyosatini qabul qilasiz. Rozi bölmasangiz, Brandyʼdan foydalanmang. Şartlar «Elektron tijorat töğrisida»gi Qonunga muvofiq ommaviy oferta hisoblanadi.

Brandyʼdan foydalaniş bepul.

2.Brandy nima va nima emas

Brandy — kiyilgan (second hand) kiyim, poyabzal, sumka va aksessuarlarni sotiş va sotib oliş uçun onlayn platforma. Kiyim brendli ham, brendsiz ham bölişi mumkin. Sotuvçilar eʼlon joylaydi, xaridorlar ularni topadi va sotuvçiga Telegramʼda yozadi.

• Brandy tovar sotmaydi, sotib olmaydi va saqlamaydi.
• Brandy tölov qabul qilmaydi va yetkazib beriş bilan şuğullanmaydi.
• Brandy foydalanuvçilar örtasidagi bitimning tarafi emas. Narx, tölov, uçraşuv va yetkazib beriş haqida sotuvçi va xaridor özaro kelişadi.
• Biz har bir tovarni tekşirmaymiz va uning haqiqiyligi, sifati yoki eʼlonga mosligini kafolatlamaymiz. «Original» belgisi sotuvçining bayonotidir.

3.Akkaunt

• Brandyʼga Telegram hisobingiz orqali, iPhoneʼda esa Apple hisobingiz orqali ham kirasiz. Brandyʼdagi ismingiz, username va rasmingiz Telegramʼdan olinadi; Apple orqali kirsangiz, ism Appleʼdan olinadi.
• Eʼlon joylaş uçun Telegram hisobi kerak: xaridorlar sotuvçiga Telegramʼda yozadi. Apple orqali kirgan bölsangiz, Telegramʼni bir marta ulaysiz.
• Telegram va Apple hisoblaringiz xavfsizligi uçun özingiz javob berasiz: ularga kirgan har kim Brandy akkauntingizdan ham foydalana oladi.
• Boşqa şaxs nomidan akkaunt oçiş yoki bloklangandan keyin boşqa akkaunt bilan qaytiş taqiqlanadi.
• Brandy 16 yoşdan katta foydalanuvçilar uçun. 18 yoşga tölmagan bölsangiz, eʼlon joylaş va xarid qiliş uçun ota-onangiz yoki vasiyingizning roziligi kerak.
• Eʼlonlarni kirmasdan ham körişingiz mumkin. Yoqtiriş, saqlaş, sotuvçiga yoziş va sotiş uçun kiriş kerak.

4.Eʼlon joylaş

Eʼlon joylab, siz quyidagilarni tasdiqlaysiz:

• tovar sizga tegişli va uni sotişga haqlisiz;
• rasmlar aynan şu tovarniki va ularni özingiz olgansiz yoki ulardan foydalanişga ruxsatingiz bor;
• tavsif, ölçam, holat va narx haqiqatga mos;
• «Original / Nusxa» savoliga halol javob bergansiz: «Original» faqat tovar haqiqiy brend mahsuloti bölsa tanlanadi, nusxa (replika) esa oçiq «Nusxa» deb belgilanadi.

Eʼloningiz ilovada, Mini Appʼda va @brandyuz_official kanalida eʼlon qilinadi. Kanalda u rasmlardan tuzilgan kollaj, hashtaglar va «Tovarni köriş» tugmasi bilan çiqadi.

Tovar sotilganda uni «Sotildi» deb belgilang yoki eʼlonni öçiring. Eʼlon 30 kun yangilanmasa, bot «Hali sotilmadimi?» deb söraydi; yana 7 kun javob bölmasa, eʼlon nofaol böladi va kanaldan olib taşlanadi.

Eʼlon maʼlum muddat yoki maʼlum miqdordagi odamlarga körsatilişini kafolatlamaymiz.

5.Eʼlonlar qanday tartiblanadi

Lentada avval viloyatingizdagi, keyin mamlakatning boşqa joylaridagi eʼlonlar çiqadi. «Siz uçun» lentasida:

• avval obuna bölgan sotuvçilaringizning siz hali körmagan eʼlonlari;
• keyin boşqa körilmagan eʼlonlar: navbat bilan, har bir sotuvçidan bittadan, şunda bitta sotuvçi butun lentani egallab olmaydi;
• oxirida avval körgan eʼlonlaringiz.

«Sizga mos» bölimi yoqtirgan va saqlagan eʼlonlaringizdagi brend, toifa va narxga hamda ölçamlaringizga qarab tanlanadi. Qidiruvda eʼlonlarni yangi, arzon yoki qimmat böyiça saralaş mumkin. Brandyʼda pul evaziga eʼlonni yuqoriga çiqariş yöq.

6.Taqiqlangan tovarlar va kontent

Brandyʼda quyidagilar taqiqlanadi:

• öğirlangan, qonunga zid yoki muomaladan çiqarilgan tovarlar, şuningdek kiyim, poyabzal, sumka va aksessuarlarga aloqasi yöq tovar va xizmatlar;
• nusxani original sifatida taqdim etiş, soxta brend belgisi yoki hujjatlar bilan sotiş;
• sizda bölmagan tovar, boşqa tovar yoki boşqa odamning rasmlari, çalğituvçi tavsif yoki narx;
• yalanğoçlik va şahvoniy kontent, zöravonlik, nafrat, kamsitiş, haqorat, tahdid va taʼqib;
• firibgarlik: oldindan tölov olib tovar bermaslik, soxta tölov tasdiği, odamlarni aldab boşqa joyga olib ötiş;
• spam, bir xil eʼlonni qayta-qayta joylaş, soxta akkauntlar va soxta baholar;
• boşqalarning şaxsiy maʼlumotlarini ruxsatsiz eʼlon qiliş;
• Brandyʼni buzişga uriniş, avtomatik vositalar bilan maʼlumot yiğiş yoki xizmat işiga xalaqit beriş.

Murosasizlik. Nomaqbul kontent va haqoratli yoki firibgar foydalanuvçilarga nisbatan murosasizmiz. Bunday eʼlonlar ogohlantirişsiz öçiriladi, akkaunt esa vaqtinça yoki butunlay bloklanadi. Eʼlon va profil matnida sökiniş yoki haqoratli söz bölsa, Brandy uni qabul qilmaydi.

7.Şikoyat qiliş

Qoidabuzar eʼlon yoki sotuvçi haqida ilovaning özida xabar bering: eʼlon yoki sotuvçi sahifasidagi «⋯» → «Şikoyat qiliş», sababni tanlang va xohlasangiz izoh yozing. Sotuvçi kim şikoyat qilganini körmaydi. Telegram orqali ham yozişingiz mumkin (17-bölim). Şikoyatlarni 24 soat içida körib çiqamiz: qoidabuzar kontentni öçiramiz, kerak bölsa akkauntni bloklaymiz va natijasini sizga Telegramʼda yozamiz. Bitta eʼlon haqida bir neça kişi şikoyat qilsa, u körib çiqilgunça vaqtinça yaşiriladi.

Bloklaş. Foydalanuvçini «⋯» → «Bloklaş» orqali bloklaşingiz mumkin: siz uning eʼlonlarini, u esa sizniki körmaydi, u bot orqali sizga yoza olmaydi va baho qöya olmaydi. U bu haqda bilmaydi. Blokni Sozlamalar → «Bloklanganlar» bölimida olib taşlaysiz.

Mualliflik huquqi yoki tovar belgisi egasi bölsangiz va eʼlon huquqingizni buzsa (masalan, rasmingiz ruxsatsiz işlatilgan bölsa), xuddi şu yöl bilan yozing: kimligingizni, qaysi eʼlon va qaysi huquqingiz buzilganini körsating. Asosli talab böyiça eʼlonni olib taşlaymiz.

8.Xaridorlar uçun

• Tölaşdan oldin tovarni köring va tekşiring. Iloji bölsa, odam köp joyda uçraşing.
• Notaniş sotuvçiga oldindan pul ötkazmang. Brandy heç qaçon sizdan tölov yoki karta maʼlumotlarini söramaydi.
• «Original» belgisi sotuvçining sözi. Qimmat tovarning haqiqiyligini özingiz tekşiring.
• Şubhali eʼlon yoki sotuvçi haqida bizga xabar bering (7-bölim).

9.Baholar

Sotuvçiga faqat uning eʼloni böyiça «Yoziş»ni bosgan xaridor baho qöya oladi, bir eʼlonga bitta baho. Baho haqiqiy tajribangizni aks ettirişi kerak. Pul yoki boşqa manfaat evaziga baho qöyiş, özingizga baho qöydiriş yoki raqobatçiga atayin past baho qöyiş taqiqlanadi; bunday baholarni olib taşlaşimiz mumkin. Biz baholarni tahrir qilmaymiz.

10.Kontentga huquqlar

• Eʼlonlaringizning matni va rasmlari sizniki bölib qoladi.
• Eʼlon joylab, siz Brandyʼga ularni Brandy ilovasi, sayti, Mini Appʼi va kanalida saqlaş, qayta işlaş (masalan, ölçamini özgartiriş, kollaj tuziş) va körsatiş, şuningdek Brandyʼni taniştirişda eʼloningizni körsatiş uçun bepul, nomutlaq va butun dunyoda amal qiladigan ruxsat berasiz. Ruxsat eʼlon öçirilgunça amal qiladi.
• Brend nomlari va logotiplari ularning egalariga tegişli. Brandy bu brendlar bilan boğliq emas va ular tomonidan qöllab-quvvatlanmaydi; brend nomlari faqat tovarni tasvirlaş uçun işlatiladi.
• Brandy nomi, logotipi, dizayni va dasturiy taʼminoti bizga tegişli. Ulardan ruxsatsiz foydalanmang.
• Brandy sotuvçilar oçiq Telegram kanallarida joylagan sotuv eʼlonlarini ham körsatişi mumkin. Bu sizning eʼloningiz bölsa va uni Brandyʼda körişni istamasangiz, bizga yozing, olib taşlaymiz. Brandyʼga öşa username bilan kirsangiz, bunday eʼlonlar akkauntingizga ötadi.

11.Brandy huquqlari

Biz quyidagilarga haqlimiz:

• şartlarga zid eʼlon va baholarni öçiriş, akkauntni ogohlantirib yoki ogohlantirişsiz çeklaş yoki bloklaş;
• Brandy funksiyalarini özgartiriş, yangilaş yoki töxtatiş;
• qonun talab qilganda maʼlumotlarni vakolatli organlarga beriş (Maxfiylik siyosati, 4-bölim).

Biz eʼlonlarni oldindan tekşirişga majbur emasmiz, lekin istalgan vaqtda tekşirişimiz mumkin. Brandyʼni butunlay yopsak, bu haqda kamida 30 kun oldin xabar beramiz.

12.Javobgarlik

• Brandy «boriça» taqdim etiladi. Xizmatning uzluksiz va xatosiz işlaşini kafolatlay olmaymiz.
• Biz foydalanuvçilar örtasidagi bitimlar, tovarning sifati, haqiqiyligi yoki yetkazib berilişi, foydalanuvçilarning xatti-harakatlari va ular keltirgan zarar uçun javob bermaymiz.
• Qonun ruxsat bergan darajada, Brandyʼdan foydalaniş bilan boğliq bilvosita zarar va boy berilgan foyda uçun javob bermaymiz.
• Bu bölim qonun bilan çeklab bölmaydigan huquqlaringizga, jumladan isteʼmolçi huquqlariga taʼsir qilmaydi.
• Şartlarni buzganingiz sababli bizga uçinçi şaxs daʼvo qilsa, buning oqibatlari uçun siz javob berasiz.

13.Şaxsiy maʼlumotlar

Maʼlumotlaringizni qanday yiğişimiz, ulardan qanday foydalanişimiz va ularni qanday himoya qilişimiz Maxfiylik siyosatida yozilgan.

14.Akkauntni öçiriş va bloklaş

• Akkauntingizni istalgan vaqtda ilovaning özida öçirişingiz mumkin: Sozlamalar → «Akkauntni öçiriş». Nima öçişi Maxfiylik siyosatining 8-bölimida yozilgan.
• Şartlarni buzsangiz, akkauntingizni bloklaşimiz mumkin: bloklangan akkaunt Brandyʼga kira olmaydi va eʼlon joylay olmaydi, eʼlonlari yaşiriladi. Bloklaş notöğri deb hisoblasangiz, bizga yozing, qayta körib çiqamiz.

15.Şartlarning özgarişi

Şartlarni yangilaşimiz mumkin. Muhim özgarişlar haqida kuçga kirişidan kamida 30 kun oldin ilova, bot yoki kanal orqali xabar beramiz. Qonun talabi yoki xavfsizlik sababli kiritiladigan özgarişlar ertaroq kuçga kirişi mumkin. Özgarişdan keyin ham Brandyʼdan foydalansangiz, yangi şartlarni qabul qilgan hisoblanasiz.

16.Qöllaniladigan huquq va nizolar

Şartlar Özbekiston Respublikasi qonunçiligiga böysunadi. Nizoni avval muzokara yöli bilan hal qilişga harakat qilamiz, buning uçun bizga yozing. Kelişuvga erişilmasa, nizo Özbekiston Respublikasi sudlarida qonunda belgilangan tartibda köriladi.

Şartlar özbek, rus va ingliz tillarida eʼlon qilingan. Matnlar orasida farq bölsa, özbekça matn ustun turadi.

17.Aloqa

«DREAMLOGIC TECH» MÇJ

• STIR: 311960493
• Yuridik manzil: Özbekiston Respublikasi, Toşkent şahri, Yunusobod tumani, «Turkiston» MFY, 6-mavze, 40-uy, 27-xonadon
• Email: support@brandy.uz
• Telegram yordam boti: @brandy_support_bot (ilovada: Sozlamalar → «Yordam»)
• Kanal: t.me/brandyuz_official